Thank you for visiting the news section. We will place news about Richard Visser and his campaign on this page while we are running the campaign for Aruba’s 2009 Election.

Dialuna 17 di Augustus 2009

Dialuna 13 di Juli 2009

Dr. Visser cu a specialisa su mes den e problema di obesidad pa mucha ta bon reconoci pa su Extreme H Games, a wak e necesidad pa bin cu un Kids Camp den e luna di Juli y Augustus completamente gratis pa nos muchanan cu varios actividad deportivo.

13 di Juli tabata e prome dia di e Kids Camp cu un cantidad di 175 mucha cu a registra.

Y a inicia cu Beach Volley Ball, combina cu Capoeira. Dr. Visser a papia cu e jovennan tocante nutricion y tabata mas cu contento di por a wak asina hopi mucha cu a asisti. E Kids Camp aki lo tin un duracion di 3 siman. E Kids Camp aki tambe lo bay ta den e districto di San Nicolas  na YMCA. un vez pa siman cu Street tennis.

—————————————————————————————————————————————————————————

Diahuebs 09 di Juli 2009

E idea di Bario Nights ta pa bishita tur districto di Aruba pa asina ta mas serca di e pueblo. E siman di 09 di Juli Bario Nights tabata na Y.M.C.A. San Nicolas y e orador di e anochi aki tabata dr. Ollie Angela cu a papia tocante e tema di diabetici, y tambe tabata tin varios persona cu a duna testimonio di nan mes y sernan keri cu a fayece pa motibo di diabetici of un miembro di nan curpa a wordo amputa. Dr Richard Visser tambe a hiba palabra y a papia tocante 10 punto cu e ta wak importante cu lo e kier pone como prioridad den 2009. E anochi aki a invita Lorna Valrack, Melvin Tromp y Mike de Meza 3 miembro di partido di AVP di e districto di San Nicolas y cada un a haña e oprtunidad di conversa cu dr. Richard Visser y e publico riba  nan campaña.

—————————————————————————————————————————————————————————

Diamars 07 di Juli 2009

Pa e lunanan venidero lo bay tin diferente seminario riba tur diamars cu temanan interesante, dia 07 di Juli na e auditorium di Colegio EPI (ex MTS)  dr. Richard Visser a invita dr. Viana pa papia tocante Medicina Alternativa y aki publico por a hasi pregunta y dr. Viana a duna tipsnan valioso.

—————————————————————————————————————————————————————————

Dialuna 01 Juli 2009

tabata e apertura oficial di dr. Visser su campaña “ Bario Nights” cu a tuma lugar den e districto di Noord  na sede Rio Berde Fundacion PUMA Visser. Un anochi cu un publico basta considerable pa wak e famoso Bario Nights. E anochi aki dr. Richard Visser a sa di entretene e publico presente y a papia di su vision pa 2009. Dr. Roy Martina a papia tocante di e “Futuro di Salud” y tabata tin e posiblilidad di hasi pregunta.

Despues a introduci Paul Croes, Madelene Kelly, Alex Tromp 3 candidatonan di e districto di Noord y cada un tabata tin e oportunidad di conta riba nan vision. Den e invitadonan special Sr. Mike Eman, Juan David Irausquin, Benni Zevinger, Andy Lee, Melvin Tromp a bin pa sostene Richard den su campaña. Na final dr. Visser y su distinguida esposa Lin Visser y nan yui a gradici un y tur pa nan presencia.

—————————————————————————————————————————————————————————

Diamars 30 di Juni 2009

dr. Richard Visser a cuminsa bishita e medionan di comunicaccion, dr. Visser a obsequia na cada un empleado su materialnan di promocion y a papia cu nan un poco di su vision y na final e la obsequia cada compania di comunicacion un Subway Platter cu a wordo hopi aprecia.

—————————————————————————————————————————————————————————

Diabierna 26 di Juni 2009

dr. Richard Visser a hasi e apertura oficial di su Oficina na Rio Berde Noord 45. Durante e anochi aki Richard a gradici un vez m as na tur esnan cu a confia den dje na e eleccion di 2005, dr. Visser a splica locual ta su vision pa 2009. Y tabata hopi contento di por a wak su amistadesnan na e apertura.

—————————————————————————————————————————————————————————

Diabierna 08 di Mei 2009

Tabata na e aperura di un di e casnan di partido di AVP na e districto di Noord. E lider di e partido Sr. Mike Eman a presenta su candidatonan cu lo ta riba e lista victorioso pa e eleccion cu lo tuma lugar diabierna 25 di September 2009. Den e candidatonan Sr. Eman a anuncia e regreso di dr. Richard Visser den politica y e publico presente a keda masha satisfecho cu e regreso di dr. Visser, mirando su amplio experiencia den salubiridad.
E anochi tabata sublime cu acompañamento di e banda mas gusta di momento Youth Extreme.