Dr. Richard Visser

Un homber cu talent, Un homber cu vision, Un homber cu solucion

Despues di a retira for di Parlamento y for di AVP, dr. Richard Visser a bay Los Angeles pa ta hunto cu su mama kende a wordo diagnostica cu cancer. Richard a haci hopi estudio riba tereno di salud, specialmente riba obesidad, algo cu a y ta atacando nos poblacion local y mundo henter.

Dr. Richard Visser, un homber cu no a mira e stoel sino su famia y su reto, a dedica su mes, apesar di tur cos, na sigui traha na bienestar di nos pais Aruba . Dor di su interes y su conocemento riba salubridad, dr. Richard Visser a capta hopi atencion den exterior.

El a tene diferente discurso, entre otro na e World Obesity Congress cu a tuma lugar na Washington DC, Natural Product Expo East y West (Washington y Los Angeles); Natural Foods Association na Las Vegas, esaki djis pa menciona algun, pero tambe, dor di su interes el a wordo invita pa duna discurso na diferente scol, di Chicago pa Texas pa California.

Ademas, Dr. Richard Visser a aparece den diferente programa di television mericano pa comparti su conocemento.Un di e programanan na cual el a wordo invita na aña 2006, tabata The heartbeat of America cual ta un programa di television cu ta scohe companianan y personanan manera Dr. Visser, pa motibo cu nan ta haci un diferencia den bida di hopi hende. E programa aki ta wordo produci y presenta pa William Shatner (Captain Kirk di e serie Star Trek) y Bert Tenzer, mientras cu Doug LLewelyn ta encarga cu e parti di entrevista.

Tambe dr. Richard Visser a wordo invita pa Fox News in The Morning na San Antonio Texas, unda el a papia tocante Obesidad cerca muchanan.

Richard tabatin un encuentro historico cu Anderson Cooper, anfitrion di CNN AC 360, na Los Angeles . Durante e programa aki, el a combersa tocante e futuro di salubridad y cuido.

Na 2008 e la produci su mes un show cu LA36, Public TV Channel; Extreme H Games pa educa merca riba prevencion y con pa lanta e generacion nobo; sabi, fuerte y saludabel.

Cu mas di 35 publicacion den revistanan Medico, Salud y Prevencion el a destaca como un lider Internacional den e ramo di cuido y Salubridad Publico. Su trabao na tur e scolnan na Merca y trahando cu instancianan tanto di Gobierno y fuera di gobierno a hacie un figura fuerte na Merca.

Pa tur su interes y esfuersonan, Dr. Richard Visser a wordo reconoce dor di e Conseho di Ciudad di Los Angeles y e Major Villagrosa, pa su contribucion duna na e trabaonan di Obesidad Infantil y salud engeneral.

Esnan cu a yega di ricibi e reconocemento aki tabata Bruce Willis, Matthew Broderick, Halle Berry , Donald Trump, Alzheimer’s Association y Dr. Robert Spawn.

Pueblo di Aruba nos mester ta orguyoso pa e logronan di un yiu di tera, dr. Richard Visser, kende apesar di tabata pasa den momentonan hopi dificil dor di e enfermedad di su mama, a sa di representa Aruba na un manera digno.

Como un Arubiano yen di talento y conocemento, dr. Richard Visser a sa di pone Aruba riba un plataforma mundial pa loke ta salubridad.

Su intencion sigur ta pa sigui comparti su talento y conocimentonan,no ta pornada e ta tuma informacionan mundial, comparti, analisa y ehecuta tur posibilidadnan den exterior paso e sa cu su amor y su reto pa mehora nos sistema aki na Aruba ta primordial.awor e ta cla pa yuda cu e solucion y ta pesey mes cu Dr. Richard Visser a regresa den seno di AVP pa asina traha Pa Un Miho Aruba.