Dr. Richard Visser durante ultimo anjanan a studia y prepara un plan nacional pa presenta y ehecuta esaki den proximo gobernacion.

Su vision di salud ta hopi amplio y ta inclui entre otro e parti social-cultural. Den su concepto ta hopi importante pa for di tur aspecto di bida trece solucionan pa cu nos Pais y esey ta ora cu tur departamento y instancia pone cabez hunto pa logra e meta aki cu ta na bienestar di nos Pais Aruba.

Diasabra ultimo dr Visser hunto cu sr Donny Rasmijn a presencia e rikesa di nos cultura ora cu Fundacion Lanta Papiamento a tene un presentacion na CB Noord. Dr Visser a keda hopi interesa pa e talentonan y sigur ta cla pa duna su aporte pa preserva nos idioma, storia y leyendanan di nos isla.

E tabata hopi orguyoso di mira hobenan talentoso manera Marelys Becker, dunando nan inspirashonan den poema y como tambe nos grandinan manera sra Titi Tromp splicando di e Aruba di antes. Biblioteca nacional sigur mester ta hopi orguyoso di por tin e joya di material aki den forma audiovisual pa asina presenta e documentacion aki na nos hobenan. Richard Visser a felicita sra Titi pero a comebersa y intercambia ideanan cu e hoben Marelys  kende pronto lo sigi su estudio pa pronto nos tin otro escitora-declamadora pa nos Isla. Increible tabata pa mira con pa hunga e wega nobo cu yama “setentito” cu a wordo traha especialmente pa sr Ito Tromp cu pa anjas a dedica hunto cu su famia e “seso sport”. Su jiu muher a traha pe un sorpresa cual ta e wega aki cu ta yuda bo den bo conocemento general pero tambe conoce mas di bo cultura y pais. Spera cu pronto nos lo por tin oportunidad pa hunga e wega aki tambe den nos hogar cu nos famia.

Dr Richard Visser a keda inspira y a priminti cu den e proximo encuentro otro siman lo trate di prepara un composicion propio pa comparti cu e grupo di nos hendenan cu ta duna realse y”OMG Bonaire Blooper” hopi suerte…..y danki di por a laga mi forma parti di bo preparashon….exito cu esnan cu ta sigi cu tarea aki…y tambe exito pa eleccion final…corda semper ta bo mes y sigi cu bo principionan di bida….GO 4 it !!!!

Balor na nos idioma y cultura. Abo tambe ta keda cordialmente invita pa e anochinan aki y sinti bo un Arubiano di berdad.

Fundacion lanta Papiamento danki di por a organisa e anochinan aki y dr Richard Visser sigur lo tey pa duna su apoyo y forza y exito cu e fundashon nobo aki cu a caba di lanta pa bienestar di nos idioma y cultura.

Kevin