Tourismo ta nos entrada.

Nos producto ta nos hospitalidad (nos hendenan), nos seguridad, y nos beachnan. Tur tres falta den calidad, vision y disciplina. Nos Economia ta den peliger! Nos entrada ta na peliger! Pa nos por saca nos mes fei di e caida aki mester liderasco cu vision; e vision di Juancho Erausquin, e determinacion di Betico Croes  y e disciplina di un atleta hoben – un atleta Olympico.  Cada un di nos mester busca esaki bek den nos mes!

Nos mester inverti den nos hendenan, nos talentonan local, nos inteligencia local, ban pa prome bes sostene aprecia nos mes! Protega nos parti mas vulnerabel: Nos juinan, e mama soltero y nos grandinan. Promove nos parti mas vital: Nos negociantenan chickito y grandi Cu justicia y disciplina pa asina nos obreronan, e motor di nos economia, por bai dilanti!

Salud, Educacion y Deporte e reto, e vision, e inversion cu nos lo pone beck den nos motor trahado I e parti cu lo sigura nos futuro generacionan. Mi pasion , mi vision, mi determinacion y disciplina lo wordu entrega den asaki – Salubridad Publico den e sentido mas amplio:  Calidad, “Kueze”, Transparencia, y Seguridad den un Salubridad Sostenibel, cu na su rais lo tin un direction nobo di prevencion, consenticasion y educacion! Un  maneho integral holistico; cu lo trece cune un promesa, un compromiso di nos tur cu nos pais Aruba – Pa Un Miho Aruba – un Aruba cu un cuido motiva robusto y reenforsa. Riba e prome linja nos Docter di Cas y Nursenan professional. Un calidad halto di nos specialistanan, ampliacion, renobacion y mehoracion di nos hospital.  Nos cuido diabetico, nos cuido mental (psychiatrico) pa duna dos ehemplo, integracion di Centro medico San nicolaas cu nos Hospital, un coordinacion central di nos cuido curativo. Mehoracion di comunicacion i un aprecio pa esnan responsabel di duna nos e cuido aki.

Un luga central cu lo coordina nos prevencion, trahando cerca cu tur nos (NGO’s) Fundacionan, nos Scolnan, Deporte y diferente Institutonan pa asina logra un direction, un forsa, un union, pa Un Miho Aruba, pa un Futuro fuerte di Arubianonan Sano i Educa na e nivel mas halto. Un Arubiano cu lo tin tur e toolsnan pa hiba nos pais dilante como un ehemple pa e resto di nos region y sende un luz cu lo bria fuerte y inspira futuro generacionan. Esaki ta nos reto.

Den nos tur tin un heroe, hopi di nos a lubida cu e tei, busce, educe y laga e crese y guiyabo, guia nos tur. Awor ta e momento, esaki ta e ana, i e luga pa nos hunto traha historia y construi un lejenda.

Nos merece. ban nos tur Pa Un Miho Aruba! E PUMA den AVP

PUMA

Pa Un Miho Aruba

Dr. Richard Visser